قال: ممكن ..قلت: ممكن .. بـس يمكـن ذي محـال
ربمـا تفـهـم .. ولـكـن ربـمـا .. لاتستبـيـن
التـمـدد والتقـلـص مــن عـلـوم الإخـتـزال
والكثافة نسبـة المـا ... تحـت ضغـط الأكسجيـن
وإنعـدام الجاذبيـة ... يعـنـي قـطـع الإتـصـال
والتسامي علم سامي ... ت.. بعـده حـرف سيـن
وانقسـام أيـت خليـة .. مـن خليـة .. انفصـال
زي (دُلي) شفت كيـف استنسخوهـا مرتيـن ..!!!!
وانصهار الثلج ... يعنـي ذاااااااااب ياولـد الحـلال
تدري ان الما أساساً .. اكسجيـن ... وهيدروجيـن
والـذي ممنـوع صرفـه .. بالنحـو سمـوه حـال
إسـم إنَ ... أو لأنَ ... زي كيـفَ ... أو لأيــن
يعني لو قمـت اتفلسـف ... منـت قـدي بالهبـال
فلسفة شاعر .. ولكن ... فلسفة شاعر ذهييييييييييين
كـان ودك بـس تفهـم فلسفـة شـعـري تـعـال
وش يسمـون إنحـراف المركبـة ذات اليمـيـن ؟
قال: مالـت قلـت مالـت ... عليـك مـن الخبـال
مافهمـت اللـي نويتـه ... يالخبـل منـت بفطيـن
اضغط انتر فـي جهـازك ... ينكتبلـك حـرف .د.
حـط ...ل.. وحـط .. خ.. واضغـط انتـر مرتيـن
يطلـع اسمـك اكترونـي دلـخ أقــرب إحتـمـال
كـان تسمـع بالذهانـة يالغبـي طـحـت بكمـيـن
كـل هـذا ماهجيـتـك هــو مـجـرد إرتـجـال
وكـان دوخـك إرتجالـي يمـدحـون الإسبـريـن
لو جمعت جيـوش شعـري كـان سويـت إحتـلال
بـس مـاودي أغـامـر .. حشـمـةٍ للحاظـريـن
بـس ياوييييييييييلـك لونـي واصــلٍ للإنفـعـال
كـان هالصـدر الشمالـي .. ضـاق بالمتواجديـن
تـدري ان اكبـر حماقـة ... لاتوهـمـت بخـيـال
زي مـن يـزرع بطاطـة بـيـن ورد الياسمـيـن
يعني اسكـت ... لاتفلسـف ... دام باقيلـك مجـال
يمكن ... أحياناً ... يكون الصمـت رحمـة والديـن
ألرجولـة للصغيـر .. رمـزهـا لـبـس العـقـال
والكبيـر اللـي جهلهـا .. قـال فتـل الشاربـيـن
الرجـل يلبـس قـلادة .. ويتغنـج .... انـحـلال
وقصـة البنـت لشعرهـا ... عـادة المستخوجيـن
والسذاجة .... والسماجة .... أسئلة .. داخل سـؤال
مـن حـدود البرتقالـه ليـن توصـل بابـا فـيـن
