حوسة البنات اذا راحوا لزواج
لما تجيك دعوة الى حضور حفل زفاف لاحد الاشخاص فإن الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام .. من أجل أخذ دش بارد
<<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة
ثم يهبون الى غرفةالعمليات
فتحصلهم مايخلون مراية في حالها ..
فتلقى منيرة عند مراية التسريحة تتمكيج
وخلود عند مراية الدولاب تركب عدساتها
ورقية عند مراية المدخل حق البيت تستشور شعرها
وفاطمة محتارة أي فستان تلبس
وكلما اختاروا لها فستان .. قالت : لا .. قد شافوه عليّ
ورغد تترجى اخوها : تكفى ود فستاني للمغسلة
وقوللهم يخلونه مستعجل
وابتسام متوهقة مالقت الحلق اللي يناسب لون فستانها
وشوق تقول لاخوها : تكفى مر على جارتنا
وخذ من عندهاالاكسسوار التفاحي
وهنوف .. انفرط سحاب فستانها .. وتبي الخياط يصلحه << والله من السمنهـ الزايدهـ
وصجة .. ولجة .. وحوسة ...
وكلهم في سباق مع الزمن ..
( طبعا ياعيني عالرجال .. ثوبوشماغ .. وانتهت السالفة )
بعد ذلك .. يركبونالسيارة بعد ما بح صوت ابوهم
وهو يناديهم ..
والمصيبة اذا اخذوا مسافة بالسيارة وجتك فاطمة
تشهق شهقة قوية .. ويقولون : اشفيييييك
وترد عليهم : نسيت شنطتي تكفى يبه رجعناللبيت
وبعد عناء طويل يصلون الى القصرويدخلون
ومن يوم تبدأ الطقاقة بقرعالطبول
تلقى الوحدة تهزّ .. وتهتز وهي لسّا باقي علىالكرسي
** اللي تحط رجلها من شرق المسرح الى غربه
ولا احديدري اش بلاها
** واللي تهز وهي واقفة مكانها بركاااادة .. وعلى بالها أنوثة ..
وتعال شفهم اذاغنت الطقاقة .. ( يالتكسي )
وقالت : وخذ يمين و بعد يمين ..
تلقاالحريم فعلا ماخذين اللفة يمين في يمين
<<< طبعا من غشامتهم .. يتصاقعون في بعض
والوحدة فيهم بتتشقق من الفرحه اذاجت الطقاقة بجنبها
وقالت : يا احمر يا احمر .. عاشو .. علىقلبي
<< طبعا الافندية فستانها احمر ..
** وتلقا ثنتين هناك يرقصون نفس رقصالعراقيات في عرب شمّر
وطبعا العجايز منصدمات .. ومافيه الا قوة دعاوي علىهالبنات
** واذا جت اغنية مصرية ..
تلقا الاغنية والايقاع في وادي .. والرقص في وادٍ آخر
الا من رحم الله ..
<< واللي تعرف ترقص مصري .. تلقى البنات يتشحدونهاتقوم
وهي ترفض ..
طبعا من حقها .. تخاف يصكونها بعين علىكيفك
والوناسة اذا قالت الطقاقة : ( رقصة خاصة لاهلالعروس )
تلقاهم يستلجون اذا قالت : ( كل آل " فلان " خيّالة )
<<< وهم في الحقيقة .. لم يركبوا حصانا قط ..
بس يالله لزوم المدح
طبعأ الاسماء من واقع الحياة لان مستحيل في سحليه عندنا اسمها رزان ولا نيكول ولا نيرمين كلهم طعوووووس
