فضائح الشباب يلا بنات اضحكوووواااااااااا

نشوف الولد وهو توه بزرأول ما يفكر فيه سواقه السيارة
تلاقيه اما ماسك غطا قدر او غطا قوطي نيدو ويفر فر به في البيت
ولا توه طوله شبرين يخشّن صوته يعني إني رجّال
<<< وش أنت طاير عليه الله يرحم حالك.
هع تطنزي ؟؟


شفتي حال البنات حمدلله والشكر بس

كل وحده ماسكه دبدوب صغير وتجلس تهرج معه وتضحك
وش هالمخ ؟؟
ولا ماسكه صورة لعبه وتكرمون تفسخها وتلبسهاملابس غير

هي اللي تشتريها وهي الشغاله حقتها بعد
**********
واذا كبر شوي صارت برضو السيارة اكبر همه...
يستنى وقت نومة ابوه علشان يسرق مفاتيح السيارة
ويروح يجمع ربعه هالبزارين ويمرمر بهم بهالشوارع شوفوني انا كبيررر
واغلب كلامه بهالمرحلة اشتروا لي سيارة
زهقت..
طفشت.. من الدراسة.. ..
...... يمه دبري لي فلوس ...
شفتي البنات لا كبروا كيف ؟؟

يبه أبي فلوس بشتري ثياب وتكرمون جزمات
وطبعا الكبت مليان وماتلبس الا مره وحده وترجعه للكبت
وهنا مرحلة الحش في بنات خلق الله تبتدي
يووووووووووه شفتي زهرووووووه عمت عينها طالع هالمغروره شوف شلون تمشي <<طبعا هي غيرانه من زهراء
بس عند نفسها انها أحلى البنات وهي الله يقطعها ودك تذبحها
****************
وشفوا المصالة الصدق إذا بدا يخطّ شاربه و" ينبحّ " صوته ...
يصير يستحي يتكلم متفشل من صوته اللي كنه صوت دباب خربان
عداااااااااااااااال

مايمداها تطلع شعره فوق الشنب يمه أبي أحف
والصوت كنه شريط خربان خخخخ

***************
و لو تدخلون غرفة عيال وش تلاقون اللهم ياكافي تقل " مقلب قمامة " والجميع بكرامة
مافيه مكان نظيف إلا إن كان زبالتهم تكرمون
شراريب منّطله هنا وهناك
و خلاقين مرمية بكل مكان التكميلة في ناحية والبوت فردة في المخزن مدري وش وداها هناك
والثانية عند باب المطبخ
ولو فتحت ادراجهم لازم تلاقي اوراق دعايه مطاعم..
علب ساعات فاضيه ....وعطورات منتهية صلاحيتها ...
أمشاط علب علك اكسترا ......
واحلى شي اذا ناظرت تحت سريرة هوايتهم جمع قراطيس البسكوت
إن بغت أمه أو اخته ترتّبها قعد ينافخ ضيعتوا اغراضي وين اسرار البلاستيشن؟؟
انا مرتاح فيها كذا .. نظفوا غرفكم ولا عليكم مني ؟؟ ومن هالحكي ......

المكان مو مرتب هالشي صحيح

وانتوا أدراجكم يالمراهقات بلاوي وربي بلاوي

انتوا بـ3 متوسط والدفتر في الدرج للآن تدرون ليه عشان الأبله كاتبه ممتازه وبارك الله فيك خخخخ فرحانين بها لا وحاطه لها نجمتين صدقت حالها ضابط وفي الدرج نفسه تلقى علب المكياج فاضيه وتطلبكم الحل منتهيه وباقي بس تذوب



حنا عندنا علب ساعاتكم اللي كل بطارياتهم مخلصين تو تشتريها تقول البطاريه مخلصه خخخخ وبعدين مانحتاج للساعه الجوال مكفي وموفي عن كل شي


************
لو يدري إن وحدة من خواته ردّت بالتلفون على واحد من أخوياه..
قوّم الدنيا ولا قعّدها على باله غِيره<<< يا شيخ رح الله يصلحك.
ياماما فيه جوالات الآن
و لو عزم الشباب و تأخرت القهوة قعد ينافخ على أمه فشلتوني عند ربعي
<<<<<<يقطع بليسك هو رَبعك ألزم من أمك ؟؟
و المسيكينه تسكت ولا ترد تخاف تضيّق صدره <<<<< يا ناس على قلب الأم
ويكون البيت في حاله صمت لا وحده منكم اسمع صوتها..
ولا ترفعون صوت التفزيون...
ولا تمرون بالصاله.....

طبعا الاخوات عرضنا ولانرضى أحد من ذا الشباب ولو يكون شنو


يشوفكم ولا يسمع صوتكم

مو حياء بس خوف على خواتنا

الصديق اليوم صديق بكره عدو <<مو في كل الأحيان بالتأكيد

ولو فيكم خير كان قمتوا سويتو القهوه عن أمكم مو تخلو أمكم تشتغل وانتوا تتفرجوا ياشاطرات

********************
صار الشباب ينافسون البنات بقصاتهم ولبسهم
وحتىىى بالمكياج ....تشوفه ماتدرى اهو بنت ولا ولد
يبون يلفتون الانظار لهم بأى شكل يبون يتميزون وبس
ما يهمهم اذاعييب هالشي او لا ...
في هالنقطه بالذات البنات هم اللي ماهمهم العيب


قصات شعر ولاديه بحته

لبس عبايات ضيقه تفصل كل تفاصيل الجسم لا وفوق كذا عليها رسومات تخلي غصب ع الواحد يطالع<<طبعا مو الكل أنا ماأجمع

بس عصبت لما كتبتي ماهمهم عيب أو لا

يحط مكياج هذا مو ولد هذا استغفر الله من الجنس الثالث الله لايبلينا
******************

والشاب اذا قرر انه يتزوج يروح لأمه ويصير يفتي بصفات زوجة المستقبل..
ابيها مثل الممثلة الفلانية ونفس دلال المغينة العلانية....
رشيقة القوام ومليحة الوجه ،،، وبيضاء الجسد .......<<<< يا حلوي وانا اسولف بالفصحى
وليته يشوف نفسه قبل يتشرط ......
هههههههههههههه عدال انتبهوا لنفسكم انتوا


تجلسو تتخيلوا في فارس المستقبل

تتخيلوا تتخيلوا ونهايتكم عند واحد أحول خشمه ماخذ نص وجهه عليه براطم تقول جمل

وانتي يمممممه حبيبي ذا ههههههههههههههههههههههههههههههههههااااااااااااي

*****************

<<<<< تعبت تفضح فيكم يالشباب
الصراحة انا يالبنات فينا عيوب بس عيوبكم اكثرررريالشباب
ويا بنات اللي تذكر فضيحه تقولها عليكم فيهم
<<<<<<< تحب هواش البنات والشباب
لحد يزعل هذة الحقيقه

والله لو أضل أطلع عيوبكم ماأوقف وربي


ويابنات قبل لاتشوفوا عيوب غيركم شوفوا عيوب نفسكم
[ ]

هههههههههههههههههههههههههههههههههههههههه
اي والله يااحاسيس صدقتي
ياسعودي صج مافي احد يخلي من العيوب بس انتو والله حدكم
هههههههههه
يسلمووووووو فلبو على الطرح
الله يعطيك العافيه
تقبلي مروري البسيط
خجوله